اللى مش بيفتح عندو موقع التحميل يدخل هنا لحل المشكلة !!

السلام عليكم

كثير من الاعضاء بيقولو ان مواقع التحميل مش بتفتح عندهم

اللى هما واخدين نت من شركة نايل اون لاين وايجى نت

اتصلت بشركة منهم وقلتلهم كدا قالو ان الموقع شغال عندهم

وطلب منى شوية حاجات عايزينها من الناس اللى مش بيفتح عندهم لحل المشكلة

انا عملت الشرح بالصور

1- ادخل على Start

ومنها اختار run





2- اكتب امر cmd
واضغط على OK



3- هتتفتحلك صفحه الدوس اللى هيا السوده فى الصورة التالية


فيها هتكتب ping zero10.us

وهتضغط انتر هتظهر شوية بيانات ودى هيبقى فيها سبب المشكلة

عايز منكم صورة برنت للبيانات دى

هتضغط على زرار Print Screen

فى الكيب ورد

وبعد كدا افتح ستارات ومنها Paint

زى ما هوة موضع فى الصورة التالية



هتفتح البرنامج ومن فوق اضغط على Edit




واعمل زى ما هوة موضح فى الصورة هتظهرلك الصورة الاولى اللى احنا عملناها برنت

وبعد كدا هتدخل على File

واختار منها Save As

وسيف بالطريقة دى



وبعد كدا اضغط على زرار Save

هتسيف الصورة عندك على الدسك دوت ارفعلى الصورة على اى موقع رفع صور وابعتهالى فى رسالة خاصة او رد عليا بيها فى الموضوع هنا

بس اللى يعمل الموضوع دا يكون عندو فعلا الموقع مش بيفتح من غير تركيب دى ان اس او اى شىء

منتظر لو فى اى استفسار